ऑनलाइन व्हायरल झालेल्या व्हिडिओंमध्ये विमानाच्या खिडकीतून धूर बाहेर पडत असल्याचे दिसून येते, तर विमानाच्या आतून प्रवाशांच्या रडण्याचे आणि प्रार्थना करण्याचे आवाज ऐकू येतात. मेलानी गोंझालेझ व्हार्टन नावाच्या एका प्रवाशाने फेसबुकवर अपघाताबद्दल लिहिले: काही मिनिटांसाठी मला वाटले की पृथ्वीवरील आपली कहाणी संपली आहे. वास्तविकता अशी आहे की अननुभवी लोक विमान चालवत होते.

फेडरल एव्हिएशन अॅडमिनिस्ट्रेशन आणि नॅशनल ट्रान्सपोर्टेशन सेफ्टी बोर्ड या प्रकरणाची चौकशी करत आहेत. न्यू यॉर्क पोस्टच्या वृत्तानुसार, मंगळवारी २२८ प्रवाशांना घेऊन जाणाऱ्या एअरबस ए३२१ विमानाच्या लँडिंग दरम्यान त्याच्या पुढच्या लँडिंग गियरचे चाक तुटले.

या अपघातात अद्याप कोणीही जखमी झाल्याचे वृत्त नाही, सर्व प्रवाशांना टॅक्सीवेवर सुरक्षितपणे उतरवण्यात आले आणि विमान बसने टर्मिनलवर नेण्यात आले. फ्रंटियर एअरलाइन्सने घटनेची पुष्टी केली असून, विमान सुरक्षितपणे उतरले असून कोणताही प्रवासी किंवा कर्मचारी जखमी झाला नाही, असे म्हटले आहे. घटनेची चौकशी सुरू आहे. सौ.दिव्यमराठी.