खून 3: बॉलिवूड अभिनेत्री मल्लिका शेरावतनं तिच्या करिअरमध्ये अनेक चित्रपट केले. तिच्या करिअरच्या 23 वर्षांच्या काळाची सुरुवात ही ‘जीना सिर्फ मेरे लिए’ या चित्रपटातून झाली होती. पण तिला खरी ओळख ही 2004 मध्ये प्रदर्शित झालेल्या ‘मर्डर’ मधून मिळाली. या चित्रपटात तिनं अनेक बोल्ड सीन दिले आणि चित्रपटानं चांगली कमाई केली, पण तरी सुद्धा या चित्रपटाच्या इतर 2 फ्रेंचायझीमध्ये ती दिसली नाही.
‘मर्डर’ चित्रपटाच्या सीरिजविषयी बोलायचे झाले तर ‘मर्डर 2’ हा चित्रपट 2011 मध्ये प्रदर्शित झाला. या चित्रपटात इमरान हाश्मीसोबत जॅकलीन फर्नांडिस दिसली. तर 2013 मध्ये प्रदर्शित झालेल्या ‘मर्डर 3’ रणदीप हुड्डा, अदिती राव हैदरी आणि सारा लॉरेन दिसले. या चित्रपटाच्या प्रमोशन दरम्यान, अदितीनं मल्लिकाविषयी असं काही म्हटलं की जे ऐकूण रणदीप हुड्डासोबत कार्यक्रमात उपस्थित असलेले बाकी लोकांना आश्चर्य झाले होते. इतकंच नाही तर त्यांच्या या वक्तव्यानंतर एक मोठा वाद सुरु झाला.
रिपोर्टर:- मलिक आणि जॅकलिनबद्दल तुमचे काय मत आहे? … अदिती राव:- आपल्याला आपल्या आत्म्यात स्टीलची आवश्यकता आहे आणि आपल्या बुब्समध्ये सिलिकॉन नाही (2013)
द्वारायू/हार्डट्यून 272 मध्येबोली ब्लाइंड्सन्गोसिप
तिनं नाव न घेता मल्लिकाविषयी बोलत म्हटलं की ‘मर्डर’ सीरिज फक्त बॉडी किंवा शरीर दाखवण्यापर्यंत नाही. ‘मर्डर 3’ च्या प्रमोशन दरम्यान, अदितीनं जेव्हा मल्लिका शेरावतविषयी विचारलं. तर तिनं जे उत्तर दिलं त्यानं सगळ्यांना आश्चर्य झालं. अदितीनं म्हटलं की ‘मला वाटतं की एका व्यक्तीमध्ये विश्वास असायला हवा, फक्त शरिरात होणारे बदल नाही.’ तिनं पुढे हे देखील सांगितलं की ‘तुम्हाला तुमच्या छातीत सिलिकॉन टाकून स्वत:च्या शारीरिक रचनेत बदल करण्याची नाही तर स्वत:चा आत्मा स्टीलसारखा मजबूत असण्याची गरज आहे.’
अदितीनं केलेल्या या वक्तव्यानं तिच्या शेजारी असलेला आणि तिचा सलकलाकार रणदीप हुड्डाला देखील आश्चर्य झाले आणि त्यानं पुन्हा विचारलं ‘स्टील कुठे?’ अदिती राव हैदरीचं हे वक्तव्य वादाच्या भोवऱ्यात अडकला. त्यानंतर तिनं तिचं वक्तव्य स्पष्ट करत म्हणाली, ‘प्लास्टिक सर्जरी करण्याचा निर्णय हा तिचा खासगी आहे. त्यांनी म्हटलं की कोणालाही दुसऱ्यांच्या निर्णयावरून त्यांच्याविषयी काही बोलण्याचा अधिकार नाही. पण तिनं हे मान्य केलं की कलाकारासाठी शरीरापेक्षा त्यांची कला महत्त्वाची असते.’
हेही वाचा : शिल्पा शेट्टीच्या करिअरमधील टॉप 7 फ्लॉप चित्रपट; सलमान-अक्षय कुमारचे चित्रपट IMDb वर ठरले डिझास्टर
पुढे अदिती म्हणाली की आत्मविश्वास आणि आपला रस्ता आपण स्वत: शोधण्याची हिंम्मत असायला हवी. या मुलाखतीत अदितीनं पुढे सांगितलं की ‘सेक्शुअॅलिटी गरजेची आहे. पण त्याचा निर्णय आपण स्वत: घेतला पाहिजे, ना की कोणाच्या सांगण्यावरून. त्यांनी हे देखील सांगितलं की ‘मर्डर 3’ चित्रपटाचं महत्त्व हे आहे की यात फक्त बोल्डनेस नाही, तर पटकथेची खोली आणि भावना दाखवण्यात आल्या आहेत. त्यांचं म्हणणं आहे की चित्रपटात सेंसुअॅलिटी तेव्हाच महत्त्वाची ठरते जेव्हा त्या भूमिकेची ती गरज असते, ना की प्रेक्षकांचं लक्ष वेधून घेण्यासाठी.’
