‘आई, पप्पा, भावांना सोडून जावे वाटत नाही, पण काय करणार बसं झाले. मला हे जबरदस्तीचे जगणं नको झाले. कारण परिवार सोडून चार वर्षे कसं जगतोय ते मलाच माहिती आहे. घर सोडून राहिलो पण कधी व्यसन केले नाही. माझ्या आई पप्पांना एकटं पडू देवू नका, त्यांची काळजी घ्या. सर्वांची माफी मागतो. मी तुम्हाला सोडून जात आहे. माझे पुस्तक मित्रांना द्या. कपडे गोरगरिबांना द्या, गावाकडे काहीच पाठवू नका. कारण आई-वडील पाहून ते अजून खचतील…’ असा मजकूर चिठ्ठीत लिहून स्पर्धा परीक्षेची तयारी करणाऱ्या एका २७ वर्षीय तरुणाने गळफास घेत आयुष्य संपवल्याची घटना, सोमवारी सकाळी लातुरात उघडकीस आली. अमित उत्तम सोनकांबळे (रा. शेळगाव, ता. चाकूर) असे तरुणाचे नाव आहे. शेळगावसारख्या ग्रामीण भागातून लातूर शहरात स्पर्धा परिक्षेची तयारी करण्यासाठी आलेला अमित सोनकांबळे हा तरुण शहरातील खाडगाव रोडवरील संभाजीनगर परिसरात गेल्या ४ वर्षांपासून राहात होता. कुटुंबापासून दूर राहत असल्यामुळे काही दिवसांपासून तो नैराश्यात होता. आत्महत्या करण्यापूर्वी त्याने लिहून ठेवलेली चिठ्ठी पोलिसांना सापडल्याची माहिती शिवाजीनगर पोलिस ठाण्याचे सहायक पोलिस उपनिरीक्षक उमाकांत पवार यांनी दिली. शिवाजीनगर पोलिस ठाण्यात अकस्मात मृत्यू म्हणून नोंद करण्यात आली आहे. माझी पुस्तके मित्रांना द्या, ते अभ्यास करतील… पोलिसांना घटनास्थळी एक सुसाइड नोट सापडली आहे, त्यात अत्यंत भावनिक होत त्याने मजकूर लिहिलेला आहे. या चिठ्ठीत त्याने अनेक नातेवाइकांचे नावे टाकून आई पप्पांच्या पाठीमागे राहण्याची विनंती केली आहे. आई, पप्पा, भावाना सोडून जावे वाटत नाही, पण काय करणार बसं झाले, मला हे जबरदस्तीचे जगणं नको झाले. कारण परिवार सोडून चार वर्ष कस जगतोय ते मलाच माहिती आहे. घर सोडून राहिलो पण कधी व्यसन केले नाही. माझ्या आई पप्पांना एकटं पडू देवू नका, त्यांची काळजी घ्या. सर्वांची माफी मागतो मी तुम्हाला सोडून जात आहे. माझे पुस्तक मित्रांना द्या. कपडे गोरगरिबांना द्या, गावाकडे काहीच पाठवू नका कारण आई वडील पाहून ते अजून खचतील म्हणून पुस्तके तुम्ही वापरा व अभ्यास करा, असे मित्रांना उद्देशून त्याने चिठ्ठीत लिहिले आहे.
Source link
