पुणे ग्रामीण (भोर,धांगवडी) : भोर विधानसभा मतदारसंघातील भाजपचे प्रमुख पदाधिकारी व कार्यकर्त्यांची आढावा बैठक मा. आमदार संग्रामदादा थोपटे यांच्या मार्गदर्शनाखाली पार पडली. या बैठकीत विविध विकासकामांचा आढावा घेण्यात आला तसेच पक्ष संघटन बळकट करण्याच्या दृष्टीने आगामी निवडणुकांच्या पार्श्वभूमीवर महत्त्वपूर्ण चर्चा करण्यात आली.
या प्रसंगी डॉ. पोपटराव खोपडे, सरपंच साधना खोपडे व त्यांच्या सहकाऱ्यांच्या वतीने श्री. बाळासाहेब गरुड यांचा सत्कार करण्यात आला. कार्यक्रमाचे औचित्य साधून भोर तालुक्यातील सॉलिसीटर श्री. प्रसादजी शिंदे व शिवसेना (उबाठा गट) चे तालुका प्रमुख श्री. हनुमंतजी कंक यांनी आपल्या कार्यकर्त्यांसह भारतीय जनता पक्षात प्रवेश केला.
या बैठकीस पुणे जिल्हा भाजपा अध्यक्ष श्री. शेखरजी वढणे, जि. नियोजन समिती सदस्य श्री. जीवन आप्पा कोंडे, श्री. धनंजय कामठे, भोर उत्तरचे अध्यक्ष श्री. संतोष धावले, भोर दक्षिणचे श्री. रविंद्र कंक, राजगड अध्यक्ष श्री. राजू रेणुसे, मुळशी अध्यक्ष श्री. समीर मारणे, श्री. शैलेशदादा सोनावणे, श्री. विनायक ठोंबरे, श्री. अण्णा शिंदे, श्री. अण्णा देशमाने यांच्यासह भोर, राजगड व मुळशी तालुक्यातील भाजप पदाधिकारी व कार्यकर्ते मोठ्या संख्येने उपस्थित होते.
बैठकीत स्थानिक प्रश्नांबरोबरच पक्षवाढीसाठी रचनात्मक योजना आखण्यात आल्या असून आगामी काळात मतदारसंघातील भाजपचा प्रभाव अधिक बळकट करण्यावर भर देण्यात आला.
