धक्कादायक व्हिडिओ शेफली जरवाला अचानक मृत्यू: अभिनेत्री शेफाली जरीवालाचं वयाच्या 42 व्या वर्षी आकस्मिक निधन झाल्याने मनोरंजनसृष्टीला शुक्रवारी मोठा धक्का बसला. मुंबई पोलिसांनी दिलेल्या माहितीनुसार, शेफाली तिच्या अंधेरीमधील घरी मृतावस्थेत आढळून आली. मात्र तिचा मृत्यू कशामुळे झाला हे स्पष्ट होऊ शकलेलं नाही. शेफालीला तातडीने अंधेरीमधील बेलेव्ह्यू मल्टीस्पेशालिटी हॉस्पिटलमध्ये नेण्यात आलं. मात्र दाखल करण्यापूर्वीच तिचा मृत्यू झाल्याचं डॉक्टरांनी घोषित केलं. शेफालीच्या मृत्यूचा चाहत्यांना धक्का बसलेला असतानाच एक जुना व्हिडीओ व्हायरल होत असून यामध्ये एका व्यक्तीने शेफालीच्या मृत्यूची भविष्यवाणीच केलेली की काय अशी शंका आता उपस्थित केली जात आहे.
मृत्यूनंतर व्हिडीओ व्हायरल, सर्वांनाच बसला धक्का
व्हायरल होत असलेला व्हिडीओ हा पारस छाबराच्या पॉडकास्टमधील आहे. या व्हिडीओमध्ये पारस हा शेफालीची कुंडली पाहून ‘आकस्मिक मृत्यू’ची शक्यता व्यक्त करताना दिसतोय. आता शेफालीच्या मृत्यूनंतर हा व्हिडीओ पाहून अनेकांना आश्चर्याचा धक्काच बसला आहे.
कुंडली पाहून काय म्हणालेला तो?
ऑगस्ट 2024 मध्ये शेफाली पारस छाबराच्या पॉडकास्टमध्ये ‘आबरा का डाबरा’ या कार्यक्रमात सहभागी झालेली. यापूर्वी पारस आणि शेफाली बिग बॉस 13 च्या पर्वात एकत्र झळकले होते. यावेळी पारसने शेफालीची कुंडली पाहून सर्वांनाच गोंधळवून टाकणारं विधान केलेलं. “तुझ्या कुंडलीमध्ये आठव्या घरात चंद्र, बुध आणि केतू बसलेले आहेत. चंद्र आणि केतूचा असा एकत्र योग येणं हे सर्वात वाईट असतं. आठव्या घरात हे दोघे आहेत यावरुन काहीतरी गमावणार हे निश्चित आहे. अचानक मृत्यू, प्रिसिद्धी लोप पावणे, लपून ठेवलेलं गुपित समोर येणं, तांत्रिकाशीसंबंधित गोष्टींबद्दलची शक्यताही नाकारता येत नाही. आधीच चंद्र आणि केतूमुळे वाईट परिस्थिती असताना त्यात बुधही सहभागी झाला आहे. यामधून अस्वस्थता आणि न्यूरोलॉजिकल समस्यांचे संकेत मिळतात,” असं पारसने शेफालीची कुंडली पाहून म्हटलं होतं.
एपिलिप्सिव्हर चटई
या पॉडकास्टमध्ये शेफालीने तिने कशाप्रकारे एपिलिप्सीवर मात केली याबद्दलचा अनुभव सांगितलेला. कशाप्रकारे खाण्यापिण्याच्या सवयी आणि नियमित औषधोपचाराने आपण यावर नियंत्रण मिळवलं हे शेफालीने सांगितलं. पारस हा शेफालीचा नवरा पराग त्यागीचाही चांगला मित्र आहे. तो अनेकदा बीग बॉस 13 मध्ये शेफालीचा उल्लेख ‘भाभी’ असा करायचा.
त्याची इन्स्टाग्राम स्टोरी
शेफालीच्या मृत्यूची बातमी समोर आल्यानंतर पारसने त्याच्या इन्स्टाग्राम अकाऊंटवरुन शेफालीसोबतचा फोटो शेअर करत, “कोणाचं आयुष्य किती लिहिलेलं आहे कोणालाच ठाऊक नाही, ओम शांती” अशी कॅप्शन दिली होती.
शेफालीचं काम…
शेफालीला सर्वात आधी ‘काँटा लगा’ गाण्यातून लोकप्रियता मिळाली. 2008 साली शेफाली बुगी-वुगी कार्यक्रमातही सहभागी झालेली. तिने 2025 अभिनेता पराग त्यागीशी लग्न केलं. पराग आणि शेफाली हे दोघे ‘नच बलिए’ या डान्स रिअॅलिटी शोमध्येही सभागी झाले होते. या कार्यक्रमाच्या पाचव्या आणि सातव्या पर्वात दोघेही सहभागी झालेला. त्याचप्रमाणे मध्यंतरी शेफाली अभिनेता सलमान खान होस्ट करत असलेल्या ‘बिग बॉस 13’मध्येही सहभागी झाली होती.
