गुन्हे शाखेने जप्त केलेल्या जादूटोण्याच्या साहित्यासह बनावट नोटा.
लॉकडाऊनमध्ये कंपनी बंद पडून मोठे आर्थिक नुकसान झाले. त्यामुळे कर्जाचामोठा डोंगर उभा राहिला. अनेकांना धनादेश दिले, मात्र बँकेत पैसेच नसल्याने बँकेच्या कारवाईला सामोरे जाण्याची वेळ येऊ लागली. ही बाबहेरून ग्रामीण भागातील दोघांनी संबंधित व्यक्तीला
?
यात कर्जबाजारी असलेल्या विकास प्रकाश उत्तरवार (४२, रा.मु.पो. खडकीबाजार, ता.हिमायतनगर, जि.नांदेड) व विलास देवराव कुहिले (४२, रा.जुरूळ,ता. वैजापूर), शंकर बबनराव काजळे(३६, रा. चिकलठाणा) अशी अटकेतील आरोपींची नावे असल्याची माहिती सहायक पोलिस निरीक्षक काशीनाथ महांडुळे यांनी दिली.या प्रकरणी त्यांनीच फिर्याद दाखल केली आहे.
रोज सकाळी मंत्रजप, मणी दुधात बुडवण्याचे आदेश
या प्रकरणीपोलिसांनी जप्त केलेल्या कागदांवर मंत्र लिहिलेले आहेत. त्यात रोज सकाळी स्नान करून पाच वेळा मंत्र जप करावा, मणी दुधामध्ये बुडवून ठेवायचे. हे सर्वपार पडल्यावर दूध झाडाला अर्पण करावे, असा मजकूर देखील लिहिलेला आहे. पुढील तपास पीएसआय धर्मेंद्र शिंदे करत आहेत.
बनावट नोटांसह जादूटोण्याचे साहित्य जप्त
जालना रोडवरील हॉटेलच्या ३१० आणि ३१४ क्रमांकाच्या खोल्यांमध्ये बनावट नोटा तयार करून चलनात आणण्याचा कट रचत असून त्यासाठी जादूटोण्याचा वापर करत आहेत. गुन्हे शाखेच्या पथकाने तत्काळ हॉटेल गाठून छापा टाकली. यात या दोन्ही खोल्यांमध्ये उत्तरवार याच्या अंगझडतीत मोबाइल, विलासकडे एक मोबाइल आणि एका न्यूजचे ओळखपत्र, शंकर ऊर्फ माऊलीयाच्या ताब्यातून एक मोबाइल सापडला.
तसेच आयसीआयसीआय, कोटक आणि येस बँकांचे कोरे चेकबुक्स,५० हजार रुपये मूल्याच्या भरलेल्या चेक्सचे बंडल, १४०० रुपये किमतीच्या २००, १०० रुपयांच्या ८ बनावट नोटा, आणि ४८ पॅकेट्समध्ये अज्ञात वनस्पती, वाळलेली लिंबे, जादूटोण्याची बाटली, नारळ असे जादू टोण्याचे साहित्य मिळून आले आहे.
