काहीही फोन 3: परवडणाऱ्या किंमतीत आयफोन, वनप्लसशी स्पर्शा करणारा फोन शोधत असाल तर ही अपडेट तुमच्यासाठी अत्यंत महत्वाची आहे. लवकरच नथिंग फोन बाजारात येतोय, ज्यामुळे तुम्हाला कमी किंमतीत दमदार फिचर्स मिळणारेयत. कंपनीने नथिंग फोन 3 च्या लाँचिंग तारखेची अधिकृतपणे जाहीर केलीय. नथिंगचा हा फोन जुलैमध्ये लाँच होईल. 2023 मध्ये कंपनीने फोन 2 लाँच केला होता. यानंतर कंपनी या मालिकेतील फ्लॅगशिप फोन लाँच करण्याची तयारी करतेय. गेल्यावर्षी कंपनीने नथिंग फोन (2a) मालिका लाँच केली. गेल्या महिन्यात Nothing ने जागतिक स्तरावर फोन (3a) सिरिज लाँच केली होती. नथिंग फोन 3 मध्ये काय फिचर असणार? किती किंमत असणार? सविस्तर जाणून घेऊया.
खास फिचर्स
नथिंग फोन 3 च्या डिझाइनमध्ये एक मोठा अपग्रेड दिसून येतोय. या फोनच्या मागील बाजूस OnePlus 12 सारखा गोलाकार कॅमेरा सेटअप उपलब्ध असेल. आयकॉनिक ग्लिफ इंटरफेस फोनच्या मागील बाजूस असून यातून युजर्सला कॉल, मेसेज आणि इतर सूचनांबद्दल अलर्ट मिळतील. या स्मार्टफोनमध्ये 6.77-इंचाचा AMOLED LTPO डिस्प्ले असू शकतो. जो 120Hz रिफ्रेश रेटला सपोर्ट करेल. त्याच्या डिस्प्लेची कमाल ब्राइटनेस 3 हजार निट्स पर्यंत असेल. हा स्मार्टफोन क्वालकॉम स्नॅपड्रॅगन 8 जनरल 3 प्रोसेसरसह येऊ शकतो. यात 12 जीबी रॅम आणि 512 जीबी स्टोरेज असू शकते. या फोनमध्ये 5 हजार एमएएच बॅटरी आणि 20 वॅट वायरलेस फास्ट चार्जिंग फीचरसह 20 वॅट वायर्ड देखील मिळू शकते. यात सर्कल-टू-सर्च, स्मार्ट ड्रॉवर, व्हॉइस ट्रान्सक्रिप्शन आणि बिल्ट-इन एआय असिस्टंट सारखी एआय चालित फिचर्स असू शकतात. नथिंग फोन 3 च्या मागील बाजूस ट्रिपल कॅमेरा सेटअप असेल. त्यातील तिन्ही कॅमेरे 50 मेगापिक्सेलचे असतील. सेल्फी आणि व्हिडिओ कॉलिंगसाठी या स्मार्टफोनमध्ये 32MP कॅमेरा दिला जाऊ शकतो.
लाँच तारीख निश्चित
या आगामी फ्लॅगशिप स्मार्टफोनच्या अधिकृत X हँडलवरून त्याच्या लॉन्च तारखेबद्दल काहीही माहिती देण्यात आलेली नाही. असे असले तरी जुलै 2025 मध्ये फोन लॉंच केला जाण्याची शक्यता आहे. कंपनीने 6 सेकंदांचा टीझर व्हिडिओ शेअर केलाय. ज्यामध्ये क्रमांक 3 दिसतोय. पोस्टनुसार हा फोन 3 जुलै 2025 रोजी लाँच होईल. अलीकडेच कंपनीचे सीईओ कार्ल पेई यांनी त्याच्या किंमतीबद्दल माहिती दिली होती.
नथिंग फोन (3a) ची किंमत आणि ऑफर्स
फ्लिपकार्टच्या माहितीनुसार, 8 जीबी + 128 जीबी स्टोरेज असलेल्या नथिंग फोन (3ए) मॉडेलची किंमत 27 हजार 999 रुपये आहे. तुम्ही HDFC बँकेच्या क्रेडिट किंवा डेबिट कार्डने पेमेंट केले तर तुम्हाला 3 हजार रुपयांची सवलत मिळू शकते. या सर्वानंतर फोनची अंतिम किंमत 24 हजार 999 रुपये असेल. तुमचा जुना किंवा सध्याचा फोन एक्सचेंज ऑफरमध्ये देऊन तुमचे 10 हजार रुपये वाचू शकतात. ऑफरचा जास्तीत जास्त फायदा तसेच एक्सचेंज केल्या जाणाऱ्या फोनच्या मॉडेल आणि सध्याच्या स्थितीवर तुमचा डिस्काऊंट अवलंबून असतो.
वनप्लस नॉर्डशी होतेय तुलना
नथिंग आणि वनप्लस या दोन्ही फोनमध्ये 120 हर्ट्झच्या रिफ्रेश रेटसह 6.77-इंचाचा मोठा डिस्प्ले असू शकतो. नथिंगच्या फोनमध्ये LTPO AMOLED पॅनेल आणि 3,000 निट्स पर्यंत ब्राइटनेस असू शकतो, ज्यामुळे स्क्रीन सूर्यप्रकाशातही सहज दिसते. Nothing चा नवीन फोन स्नॅपड्रॅगन 8 एलिट चिपसेटसह येऊ शकतो, ज्यामध्ये 12 जीबी पर्यंत रॅम आणि 512 जीबी पर्यंत स्टोरेज असू शकते. तर वनप्लस नॉर्ड 5 मध्ये मीडियाटेक डायमेन्सिटी 9400ई प्रोसेसर मिळण्याची शक्यता आहे. जी डायमेन्सिटी 9400 ची हलका आवृत्ती आहे. यात 16 जीबीपर्यंत रॅम आणि नवीनतम अँड्रॉइड 15 असू शकते. नथिंग फोन 3 मध्ये ट्रिपल रिअर कॅमेरा सेटअप असू शकतो ज्यामध्ये 50 एमपी प्रायमरी सेन्सर आणि 32 एमपी सेल्फी कॅमेरा फ्रंटला असू शकतो. वनप्लस नॉर्ड 5 मध्ये 50 मेगापिक्सेलचा मुख्य कॅमेरा ओआयएससह, 5 मेगापिक्सेलचा अल्ट्रावाइड लेन्स आणि 16 मेगापिक्सेलचा फ्रंट कॅमेरा असू शकतो.
