किशोर कुमारच्या घरात कवटी आणि हाडे: दिग्गज गायक किशोर कुमार यांचा मुलगा अमित कुमार यांनी नुकत्याच दिलेल्या एका मुलाखतीत त्यांच्या वडिलांविषयी खुलासा केला आहे. त्यांनी किशोर कुमार यांच्याविषयीच्या अनेक गोष्टींवर खुलासे केले आणि किस्से सांगितले. त्याशिवाय ते किती मस्करी करायचे आणि त्यांचा सेन्स ऑफ ह्युमर किती चांगला आहे याविषयी देखील सांगितलं. या सगळ्यातून किशोर कुमार यांचं व्यक्तीमत्त्व देखील प्रत्येकाला कळलं आहे.
किशोर कुमार यांच्याविषयी गेल्या काही दिवसांपासून अफवाह येत होत्या. त्यातून एक ही होती की किशोर कुमार यांना जे लोकं आवडत नव्हतं त्यांना लांब ठेवण्यासाठी ते घरात कवटी आणि हाड ठेवायचे. ही अफवाह अशी सुरु झाली की अमित कुमार यांनी विकी ललवानी यांना सांगितलं, ‘ते तर आम्ही घेऊन आलो होतो. आम्ही ईस्ट आफ्रिका, नॅरोबीमध्ये शो करण्यासाठी गेलो होतो. तिथे त्यांना अशा गोष्टी कलेक्ट करण्याचा आणि विकत घेण्याचा छंद होता तर परत येत असताना आम्ही सगळे घेऊन आलो. ती अजूनही ट्रस्टमध्ये आहेत.’
तुमच्यातील काहींनी माझ्या किशोर कुमार मुलाखतीचे बिट्स आणि तुकडे येथे पोस्ट केले आहेत आणि इतरांनी ते इतरत्र पाहिले असेल, विशेषत: त्याच्या वाढदिवशी पुनरुत्पादित. 1985 मध्ये केलेल्या मुलाखतीचे वास्तविक कव्हर चित्र येथे आहे. बर्याच वर्षांच्या शोधानंतर मला एक फाटलेली प्रत सापडली. pic.twitter.com/owiqf8tcmq
– प्रीतिश नंडी (@प्रिटिश्नॅंडी) 24 जून, 2019
किशोर कुमार यांना होता छंद
अमित कुमार यांनी पुढे सांगितलं की ‘त्यांना छंद होता. आफ्रिकेचं म्यूजिक, बीड्स आणि आर्ट त्यांना प्रचंड आवडत होती. ते स्वत: वर विनोद करायचे. ते म्हणायचे ठीक आहे, हे जग मला पागल म्हणतं, मी जगाला पागल म्हणतो… बोलू द्या त्यांना पागल… चांगलं आहे आणि का नसावं.’
महत्त्वाचं म्हणजे एकदा रजत शर्माला देखील जेव्हा किशोर कुमार यांच्या घरी जाण्याची संधी मिळाली होती. तेव्हा तिथे कॉरिडोरमधील ते दृष्य पाहून त्यांना आश्चर्य झाले. एक व्हिडीओ शेअर करत रजत शर्मा यांनी सांगितलं की ‘बराच काळ कॉरीडोअरच्या चारही बाजुंना श्वान होते आणि त्यामुळे खूप भितीदायक वातावरण होतं. ज्या ड्रॉइंड रुममध्ये ते आणि किशोर कुमार बसायचे तिथे चारही बाजुंना कवटी आणि हाडं टांगलेली होती. ज्यात लाइट्स लागले होते.’
हेही वाचा : जिनिलिया बसण्याआधीच ड्रायव्हरनं कार चालू केली अन्…; अपघात टळला नाहीतर…
जेव्हा रजत शर्मा यांनी किशोर कुमार यांना विचारलं की कवटी इथे का लावण्यात आली, तर उत्तर देत ते म्हणाले एक दिन तुझी कवटी इथे लावेन आणि त्यात लाइट लावेन. दरम्यान, 13 ऑक्टोबर 1987 रोजी किशोर कुमार यांचे निधन झाले.
