हॅपी इंडिगो डे विक्रीबद्दल आपल्याला माहित असणे आवश्यक आहे: भारतात विमानसेवा पुरवणाऱ्या आघाडीच्या कंपन्यांपैकी एक असलेल्या इंडिगो एअरलाइन्सने प्रवाशांसाठी एक खास ऑफर दिली आहे. कंपनीच्या 19 व्या वर्धापन दिनानिमित्त प्रवाशांना एक खास भेट देण्यात आली आहे. कंपनीने ‘हॅपी इंडिगो डे सेल’ची घोषणा केली आहे. या सेलअंतर्गत एअरलाइन स्वस्त विमान तिकिटे विकत आहे. ही ऑफर कमीत कमी किंमतीत विमान प्रवासाचा आनंद लुटण्याचा इच्छा असलेल्यांसाठी एक सुवर्णसंधी ठरणार आहे. या ऑफरअंतर्गत तिकीटं किती रुपयांपर्यंत मिळणार आहेत पाहूयात…
किती ते किती तारखेपर्यंत करता येणार बुकींग?
इंडिगोच्या या विशेष सेलअंतर्गत, प्रवासी 10 ऑगस्ट 2025 ते 31 मार्च 2026 दरम्यानच्या प्रवासासाठी तिकिटे बुक करू शकतात. बुकिंग विंडो 3 ऑगस्ट 2025 रोजी रात्री 00:01 वाजल्यापासून सुरू होतील. तर विशेष सवलतीअंतर्गत 6 ऑगस्ट 2025 रोजी रात्री 11.59 रोजी बुकिंग बंद होईल.
किती असणार तिकीटांचा दर?
इंडिगोच्या या सेलमध्ये, देशांतर्गत उड्डाणांसाठीची तिकीट 1 हजार 219 रुपयांना तर आंतरराष्ट्रीय उड्डाणांसाठी 4319 रुपयांमध्ये तिकीटं उपलब्ध होणार आहेत. त्याचप्रमाणे इंडिगो स्ट्रेच सीटसाठी 9119 पासून सुरू होते. या सर्व ऑफर 3 ऑगस्टपासून इंडिगोच्या वेबसाइट, मोबाइल अॅप आणि 6 एस्काई एआय असिस्टंटद्वारे उपलब्ध आहेत. 4 ऑगस्टपासून इतर बुकिंग प्लॅटफॉर्मवर देखील या दरांमध्ये तिकीटं उपलब्ध आहेत. देशांतर्गत उड्डांसाठीचं तिकीट हे वंदे भारतच्या 1500 रुपयांच्या तिकीटांपेक्षाही कमी आहे.
इतर कोणत्या सुविधा मिळणार?
इंडिगोच्या या सेलमध्ये, प्रवाशांना केवळ स्वस्त तिकिटेच मिळणार नाहीत, तर कमी किंमतीत अनेक अतिरिक्त सुविधा देखील मिळतील, असं कंपनीने जाहीर केलं आहे. उदाहरणार्थ, प्रवाशांना फक्त 500 रुपयांमध्ये एक्सएल सीटचा पर्याय मिळेल. त्याचवेळी, आंतरराष्ट्रीय उड्डाणांमध्ये प्रीपेड बॅगेज आणि 15 ते 30 किलो वजनाच्या बॅगवर 50% पर्यंत सूट दिली जात आहे.
याशिवाय, फास्ट फॉरवर्ड सेवेवर देखील 50% पर्यंत सूट उपलब्ध असेल. काही निवडक फ्लाइटमध्ये 6E प्राइम आणि 6E सीट अँड ईट सारख्या सेवांवर 30% पर्यंत सूट दिली जात आहे. तसेच, आंतरराष्ट्रीय फ्लाइटसाठी 999 रुपयांमध्ये तिकीट कॅन्सलेशनवर एकही रुपया कापला जाणार नाही अशी योजना देखील उपलब्ध आहे. जर तुम्ही वर नमुद केलेल्या कालावधीमध्ये कुठेतरी प्रवास करण्याचा विचार करत असाल तर ही संधी चुकवू नका. यासंदर्भातील अधिक माहिती कंपनीच्या अधिकृत वेबसाईटवर उपलब्ध असल्याचं कंपनीने सांगितलं आहे.
