जागतिक बातमीः इजिप्तमधून आजवर इतिहासाशी संबंधित अनेक संशोधनं आणि कैक ऐतिहासिक उलगडे करण्यात आले आहेत. आजही इजिप्तच्या या भूमिमध्ये इतिहास, मानवी उत्क्रांतीची अनेक पाळंमुळं दडल्याचा दावा अभ्यासक आणि भूगर्भशास्त्रज्ञ करतात. येथील पिरामिड असो, वर्षानुवर्षांपासून दफन असणारे ममी असो किंवा कैक हजार वर्षांपासून दफनभूमीत असणारी थडगी असो. इजिप्तच्या या इतिहासानं गतकाळातील जीवनशैली खऱ्या अर्थानं साऱ्या जगापुढं उभी केली आहे असं म्हणणं अतिशयोक्ती ठरणार नाही. (History News)
इतिहासात पडली एका नव्या रहस्याची भर, का होतेय जगभरात चर्चा?
इजिप्तच्या याच इतिहासामध्ये आता आणखी एक पान जोडलं गेलं असून, हे पान आहे उलगडा झालेल्या 3500 वर्षांपूर्वीच्या एका दफनभूमीचं. येथूनच एक रहस्यमयी पुस्कसुद्धा सापडलं असून, त्या पुस्तकाला ‘बुक ऑफ डेड’ असं म्हटलं जात आहे. पण हे पुस्तक तिथं काय करत होतं? हाच प्रश्न अनेकांनी उपस्थित केला असून, काही संदर्भांतून त्याचाही उलगडा होत आहे.
‘द इंडिपेंडंट’च्या अहवालानुसार इतिप्तमधील पुरात्त्व क्षेत्रातील अभ्यासकांनी अतिशय रंजक शोध लावला असून, त्याअंतर्गत 3500 वर्षांपूर्वीची दफनभूमी जगासमोर आणली आहे. जिथून अनेक ममी, मूर्ती आणि प्राचीन कलाकृती सापडल्या आहेत. सोबतच अतिशय दुर्लभ असं पेपिरस स्क्रॉल सापडलं असून, तो ‘बुक ऑफ डेड’चा महत्त्वाचा भाग असल्याचं सांगण्यात येत आहे.
कुठे आढळलं हे ‘बुक ऑफ डेड’?
इतिप्तमधील पुरातत्व परिषदेचे तत्कालीन महासचिव मुस्तफा वजीरी यांच्या माहितीनुसार ‘बुक ऑफ डेड’ पहिल्यांदा 2023 मध्ये अल गुरैफा क्षेत्रातून अतिशय चांगल्या स्थितीत सापडली होती. जाणकारांनुसार ‘बुक ऑफ डेड’ मृतकांना परलोकी मार्गदर्शनात मदत करण्यासाठी तयार करण्यात आलं होतं. इतिप्त म्हणजेच तत्कालीन मिस्त्रमधील अंत्यविधींमधील परंपरांचा तो एक महत्त्वाचा भाग होता.
आत्म्यासाठी होती ‘बुक ऑफ डेड’?
सर्वसाधारणपणे मृतकांचं पुस्तक म्हणून ओळखल्या जाणाऱ्या या पुस्तकाला ‘बुक ऑफ डेड’ हे आधुनिक नाव देण्यात आलं आहे. मृतकांच्या आत्म्यांना पाताळालून परलोकी नेण्यासाठी मार्गदर्शन करणं हे त्याचं सर्वस्वी काम करणं अशी स्थानिकांची धारणा होती. ज्यामुळं हे पुस्तक मृतदेह दफन केल्यानंतर थडग्यामध्ये ठेवलं जात होतं. असा समज होता की, त्यातील मंत्र आत्म्याला परलोकी अमरत्वं प्रदान करत.
इजिप्तमधील य़ा 3500 वर्षांपूर्वीच्या दफनभूमीत या पुस्तकाशिवाय अनेक ममी, तावीज, शवपेटी, कैक मूर्रीसुद्धा सापडल्या. परलोकी मृतकांची सेवा करणं हे त्यांचं काम असण्याची स्थानक धारणा असल्याचं सांगण्यात येतं. या पुस्तकाशिवाय उत्खननात कॅनोपिक जारसुद्धा सापडले असून, त्यामध्ये मृतकांच्या शरीराचे अवयव ठेवले जात असं सांगण्यात येतं. त्यामुळं साधारण 1500 ते 1070 ईसवीसनपूर्व काळात नेमक्या कोणत्या समजुती प्रचलित होत्या आणि तत्कालीन जीवनशैली कशी होती याची झलल जगासमोर आली आहे असं म्हणायला हरकत नाही.
