एमसीएने रोहितबद्दल केली मोठी घोषणा

मुंबई क्रिकेट असोसिएशनने (Mumbai Cricket Association) मंगळवारी वानखेडे स्टेडियमवर भारतीय संघाचा विद्यमान कसोटी कर्णधार रोहित शर्मासाठी एक खास गोष्ट करणार आहे असे सांगितले. रोहित शर्मा, माजी कर्णधार अजित वाडेकर आणि बीसीसीआयचे माजी अध्यक्ष शरद पवार यांच्या नावावार एक-एक स्टँडला नाव दिले जाणार आहे. एमसीएच्या वार्षिक सर्वसाधारण सभेत हा निर्णय घेण्यात आला.

कोणता स्टँड होणार आहे रोहितच्या नावी?

मंजूर झालेल्या ठरावानुसार, दिवेचा पॅव्हेलियनचा तिसरा मजला आता रोहित शर्मा स्टँड म्हणून ओळखला जाईल, ग्रँड स्टँडचा तिसरा मजला आयसीसीचे माजी अध्यक्ष पवार यांच्या नावावर असेल आणि ग्रँड स्टँडचा चौथा मजला वाडेकर यांच्या नावावर असेल.

अजित वाडेकर यांनाही देण्यात आली आदरांजली

अजित वाडेकर हे क्रिकेट जगतातील एक महत्त्वपूर्ण नाव आहे. अजित यांनी 1966 ते 1974 या काळात 37 कसोटी आणि दोन एकदिवसीय सामने खेळले. एवढच नाही तर 1971 मध्ये अजित यांनी भारताला वेस्ट इंडिज आणि इंग्लंडमध्ये ऐतिहासिक मालिका विजय मिळवून दिले. ऑगस्ट 2018 मध्ये वयाच्या 77 व्या वर्षी अजित वाडेकर यांचे निधन झाले.

रोहितचा सन्मान

2013 मध्ये कसोटी पदार्पण करणारा रोहित अनेक महान खेळाडूंच्या यादीत सामील झाला आहे. आता रोहितला त्याच्या घरच्या वानखेडे स्टेडियममध्ये त्याच्या नावावर एक स्टँड होणार आहे. 2022 मध्ये कर्णधारपदाची सूत्रे हाती घेतल्यानंतर, रोहितने 2024 मध्ये भारताला T-20 विश्वचषक आणि या वर्षी मार्चमध्ये आयसीसी चॅम्पियन्स ट्रॉफी जिंकून दिली. या स्पर्धा जिंकणे फार महत्त्वपूर्ण गोष्ट होती. रोहितच्या नेतृत्वाखाली भारताने 2023 च्या विश्वचषकाच्या अंतिम फेरीतही प्रवेश केला होता. सौ.झी.न्यूज