चित्रनगरी :बॉलिवूड अभिनेता रणबीर कपूर आणि आलिया भट्ट इंडस्ट्रीतील लोकप्रिय कपल्सपैकी एक आहे. चाहते त्यांच्यावर खूप प्रेम करतात. 14 एप्रिल 2022 रोजी त्यांनी लग्न केलं. त्यांच्या लग्नाला आता तीन वर्ष पूर्ण झाली आहेत. रणबीरनं आलियाला मसाई मारामध्ये लग्नासाठी प्रपोज केलं होतं. खरंतर तिथे दोघं सुट्टीचा आनंद घेत होते. त्या आधी आलियाला याविषयी कोणतीही माहिती नव्हती. दरम्यान, या आधी रणबीर कधी आलियाची बेस्ट फ्रेन्ड कतरिना कैफसोबत रिलेशनशिपमध्ये होता. इतकंच नाही तर चर्चा अशी व्हायची की तिनं बेस्ट फ्रेन्डकडून तिचा बॉयफ्रेंड चोरला. पण खरंच असं झालं का?
रणबीर कपूरची लव्ह लाइफ ही नेहमीच चर्चेचा विषय ठरली आहे. जेव्हा रणबीर आणि कतरिना पहिल्यांदा भेटले होते जेव्हा रणबीर हा दीपिकाला डेट करत होता. कतरिना देखील कथितपणे त्या काळात सलमान खानसोबत रिलेशनशिपमध्ये होती. 2009 मध्ये प्रदर्शित झालेल्या ‘अजब प्रेम की गजब कहानी’ च्या सेटवर रणबीर आणि कतरिना या दोघांमध्ये मैत्री झाली. दीपिका आणि रणबीरचं ब्रेकअप झालं. कतरिना आणि सलमानचं नातं संपल्याच्या चर्चा देखील रंगू लागल्या होत्या.
दरम्यान, बऱ्याच चर्चा झाल्यानंतर कतरिना कैफ आणि रणबीर कपूर एकमेकांसोबत रिलेशनशिपमध्ये आले. दोघं अनेकदा पार्ट्यांमध्ये, कार्यक्रमांमध्ये एकत्र दिसले. जवळपास सहा वर्ष दोघांनी एकमेकांना डेट केलं. कथितपणे काही काळासाठी लिव्हइनमध्ये देखील राहिले. अफवा या देखील होत्या की रणबीर आणि कतरिनानं लंडनमध्ये गुपचूप साखरपुडा केला आणि 2016 मध्ये ते लग्न करणार होते. त्यानंतर बऱ्याच काळानंतर त्यांच्या चाहत्यांना मोठा धक्का बसला, ते सहा वर्ष रिलेशनशिपमध्ये होते आणि एकीकडे लग्नाच्या चर्चा सुरु होत असताना 2016 मध्ये रणबीर आणि कतरिनाचा ब्रेकअप झाला. ब्रेकअपनंतरही ते दोघं एकमेकांना सन्मान करतात. दोघं त्यांच्या दोघांच्या आयुष्यात पुढे गेले पण त्यातही एक ट्वीट आला तो म्हणजे रणबीर कपूर त्याच्यापेक्षा वयानं 10 वर्ष लहान असलेल्या आलिया भट्टला डेट करतोय. या बातमीनं सगळ्यांना धक्का बसला कारण आलिया आणि कतरिना एकमेकांच्या बेस्ट फ्रेंड्स होत्या. आलिया आणि रणबीरच्या वयाच्या अंतरावरून वाद मोठा झाला. आलियावर बेस्टफ्रेंडचा बॉयफ्रेंड चोरल्याचे आरोप करण्यात आले.
खरंतर 2022 मध्ये आलिया भट्ट आणि रणबीर कपूरनं लग्न केलं. त्याच्या चार महिने आधी कतरिना कैफनं डिसेंबर 2021 मध्ये विकी कौशलसोबत लग्न केलं. ते तिघे त्यांच्या या भूतकाळाला मागे सोडतं आयुष्यात पुढे गेले आहेत.
काही काळापूर्वी दिलेल्या एका मुलाखतीत कटरिनाला विचारण्यात आलं होतं की तिचा एक्स EX गर्लफ्रेंड आलिया भट्टची मैत्रिण आहे? त्याचं उत्तर देत कतरिनानं सांगितलं की ती कधीच कोणत्या गोष्टीला घेऊन मनात वाईट भावना ठेवत नाही.
करण जोहरच्या चॅट शोमध्ये रॅपिड फायर राउंड दरम्यान, करणनं आलियाला विचारलं होतं की ‘तुला कोणता टॅग सगळ्यात जास्त चांगला वाटतो. आपल्या एक्सच्या एक्सच्या एक्ससोबत चांगलं मित्र राहणं की आपल्या बॉयफ्रेंडत्या एक्ससोबत चांगले मित्र राहणं.’ यावर आलियानं सांगितलं की ‘मला वाटतं की आपल्या पार्टनरच्या एक्ससोबत मैत्री कशी ठेवायची, हे मला माहित आहे. मी त्याच्या एक्सची खूप चांगली मैत्रिण आहे. माझं त्या दोघांवर प्रेम आहे.'( सौ.झी.न्यूज)
