टीव्हीएस आयक्यूबमध्ये काय खास?

टीव्हीएस आयक्यूब इलेक्ट्रिक स्कूटरच्या स्टायलिश आणि हलक्या डिझाइनमुळे ते चालवणे खूप सोपे होते. ही स्कूटर बॅटरीवर चालते. त्यामुळे पेट्रोलची गरज नाही. तसेच ही स्कूटर पर्यावरणपूरकदेखील आहे. तिची बॅटरी लाइफ जास्त आहे. ज्यामुळे ही स्कूटर एकदा चार्ज केल्यावर दूरवरचे अंतर कापू शकते. टीव्हीएस आयक्यूबमध्ये डिजिटल डिस्प्ले, स्मार्ट कनेक्टिव्हिटी आणि अनेक अॅडव्हान्स फिचर्स देण्यात आले आहेत. त्यामुळे ही स्कूटर आणखी खास बनते.

TVS iQube ची एक्स-शोरूम किंमत किती?

माध्यमांतून समोर आलेल्या वृत्तानुसार आयक्यूबची एक्स-शोरूम किंमत 1 लाख 17 हजार रुपये आहे. यात सरकारकडून 10 हजार रुपयांचे अनुदान दिले जाते. ज्यामुळे स्कूटरची किंमत 1 लाख 7 हजार रुपयांपर्यंत कमी होते. 30 हजार रुपयांचे डाउन पेमेंट करून तुम्ही स्कूटर घरी आणू शकता.

एका चार्जवर किती अंतर कापेल?

ही इलेक्ट्रिक स्कूटर एकदा चार्ज केल्यावर 70 ते 75 किलोमीटर धावू शकते. स्कूटर चार्ज करण्याचा खर्च फक्त 15 ते 20 रुपये आहे. ज्यामुळे पेट्रोलच्या तुलनेत तुमच्यासाठी खूपच फायदेशीर ठरु शकते.

स्कूटर महिलांमध्ये का लोकप्रिय?

टीव्हीएस आयक्यूब महिलांसाठी एक उत्तम पर्याय बनतेय. कारण ही स्कूटर हलकी आणि स्टायलिश आहे. ही स्कूटर चालवायला खूप सोपी असल्याने शहरातील ट्रॅफीकमध्येही महिलांना कोणतीही अडचण येत नाही. तसेच बॅटरीवर चालणारी असल्याने, पेट्रोलवरील वाढत्या खर्चापासूनही दिलासा मिळतो. अॅडव्हान्स फिचर, आकर्षक डिझाइन आणि उत्तम कामगिरीमुळे महिलांमध्ये ही स्कूटर वेगाने लोकप्रिय होत चालली आहे. जर तुम्हीही स्टायलिश, पर्यावरणपूरक आणि परवडणारी स्कूटर शोधत असाल तर तुमच्यासाठी हा एक उत्तम पर्याय असू शकतो. सौ.झी.न्यूज