पुणे शहरात झालेल्या वेगवेगळ्या अपघातांमध्ये तीन जणांचा मृत्यू झाला आहे. कात्रज बाह्यवळण मार्ग, मांजरी आणि पुणे-अहमदनगर रस्त्यावरील लोणीकंद परिसरात या अपघाताच्या घटना घडल्या आहेत. कात्रज-देहूरोड बाह्यवळण मार्गावर बुधवारी सकाळी सहा वाजण्याच्या सुमारास रस्त्यात थांबलेल्या एका ट्रकला भरधाव वेगाने येणाऱ्या दुसऱ्या ट्रकने धडक दिली. या अपघातात ट्रकमधील मदतनीस (क्लिनर) जमसुद्दीन मोहम्मद गौसदेसाई (वय ४२) यांचा मृत्यू झाला. या प्रकरणी ट्रक चालकाविरुद्ध गुन्हा दाखल करण्यात आला असून, पोलीस शिपाई बालाजी पांचाळ यांनी आंबेगाव पोलीस ठाण्यात फिर्याद दिली आहे. सहायक पोलीस निरीक्षक मुलाणी पुढील तपास करत आहेत. पुणे-अहमदनगर रस्त्यावर लोणीकंद परिसरात १४ जुलै रोजी रात्री अकरा वाजण्याच्या सुमारास भरधाव टेम्पोच्या धडकेत दुचाकीस्वार हरिभाऊ कांदे यांचा मृत्यू झाला. या अपघातात दुचाकीवरील सहप्रवासी रामराव कांदे गंभीर जखमी झाले आहेत. कांदे यांचे नातेवाईक परमेश्वर मच्छिंद्र चाटे (वय २६, रा. खांदवेनगर, वाघोली) यांनी लोणीकंद पोलीस ठाण्यात फिर्याद दिली आहे. मांजरी परिसरात भरधाव वाहनाच्या धडकेत ज्येष्ठ नागरिक कोडिंबा निसाळकर (वय ६१) यांचा मृत्यू झाला, तर त्यांचे दोन नातू शिवम (वय ६) आणि आरव (वय ६) गंभीर जखमी झाले. हडपसरमधील मांजरी स्टड फार्म रस्त्यावर बुधवारी सकाळी सात वाजता ही घटना घडली. अरुण कोडिंबा निसाळकर (वय ३४, रा. रुखमाई सृष्टी पार्क, मांजरी फार्म) यांनी या प्रकरणी मांजरी पोलीस ठाण्यात फिर्याद दिली आहे. अपघातानंतर वाहन चालक पसार झाला असून, उपचारादरम्यान कोडिंबा निसाळकर यांचा मृत्यू झाला. पोलीस उपनिरीक्षक प्रियंका चव्हाण या प्रकरणाचा तपास करत आहेत. हेही वाचा.. फुरसुंगी गोळीबार:सोशल मीडियामधून ‘बिश्नोई’ गँगच्या संपर्कात आला आरोपी, सिग्नल ॲपवरून कट रचल्याचे स्पष्ट फुरसुंगी येथील एका स्टील व्यापाऱ्याच्या गोदामावर झालेल्या गोळीबार (फायरिंग) प्रकरणाच्या तपासात पुणे पोलिसांच्या हाती अत्यंत महत्त्वाची माहिती लागली आहे. या प्रकरणात अटक करण्यात आलेला मुख्य आरोपी रवी कुमार याने पोलिस चौकशीत धक्कादायक खुलासे केले आहेत. सोशल मीडियाच्या माध्यमातून बिश्नोई गँगच्या संपर्कात आल्याचे त्याने मान्य केले आहे. सविस्तर वाचा..
Source link
