आता खराब दृश्यमानतेतही विमाने सुरक्षितपणे उतरू शकतील. कारण, भारतात पहिल्यांदाच एका मोठ्या व्यावसायिक जेट विमानाला ग्राउंड रेडिओ बीमशिवाय थेट सॅटेलाइट सिग्नल्सच्या मदतीने सुरक्षितपणे उतरवण्याची यशस्वी चाचणी करण्यात आली आहे. विमान वाहतूक नियामक DGCA च्या देखरेखीखाली 27 जून रोजी इंडिगो एअरलाइन्सच्या एअरबस A320 विमानाने स्वदेशी ‘गगन’ नेव्हिगेशन प्रणालीचा वापर करून हे ऐतिहासिक लँडिंग केले. इंडिगोने 2022 मध्ये लहान ATR विमानांवर याची चाचणी केली होती, परंतु मोठ्या व्यावसायिक जेट विमानासोबत देशातील ही पहिली यशस्वी चाचणी आहे.
Source link
