ठाकरे गटाचे 6 खासदार फुटल्यानंतर पक्षप्रमुख उद्धव ठाकरे आज थेट मैदानात उतरले आहेत. बंडखोर खासदारांच्या मतदारसंघात आजपासून उद्धव ठाकरेंच्या तोफ धडाडणार असून, त्यांच्या विदर्भ दौऱ्याची पहिली जाहीर सभा आज सकाळी १० वाजता यवतमाळच्या कृषी उत्पन्न बाजार समितीच्या मैदानावर होत आहे. या सभेकडे संपूर्ण राज्याचे लक्ष लागले आहे. बंडखोरांना उत्तर आणि पुढील रणनीती
यवतमाळ-वाशीमचे खासदार संजय देशमुख यांनी नुकताच शिंदे गटात प्रवेश केल्यामुळे उद्धव ठाकरे या सभेत बंडखोरांवर काय बोलणार, याकडे सर्वांचे डोळे लागले आहेत. सभेच्या पूर्वसंध्येलाच उद्धव ठाकरे यांचे यवतमाळात आगमन झाले. या सभेत ते पक्षाची पुढील भूमिका आणि आगामी निवडणुकांबाबत कार्यकर्त्यांना मार्गदर्शन करणार आहेत. नेत्यांची मोठी फौज मैदानात
या जाहीर सभेसाठी ठाकरे गटाचे युवा नेते आदित्य ठाकरे, खासदार संजय राऊत, अरविंद सावंत, विनायक राऊत आणि अनिल देसाई यांच्यासह पक्षाचे अनेक वरिष्ठ नेते यवतमाळात दाखल झाले आहेत. जिल्ह्यातील विविध तालुक्यांतून शिवसैनिक मोठ्या संख्येने सभेसाठी येत असून कृषी उत्पन्न बाजार समिती परिसरात मोठी गर्दी करत आहे. सलग सभांचा धडाका यवतमाळच्या या सभेनंतर उद्धव ठाकरे सलग वाशीम, हिंगोली, परभणी, धाराशिव आणि शिर्डी येथे देखील अशाच सभा घेणार आहेत. बदलत्या राजकीय समीकरणांच्या पार्श्वभूमीवर सुरू झालेल्या या दौऱ्यामुळे महाराष्ट्रातील राजकीय वातावरण पुन्हा एकदा चांगलेच तापले आहे. महाराष्ट्रात पुढील 48 तास महत्त्वाचे:पुणे, कोकणसह अनेक जिल्ह्यांना यलो अलर्ट, शेतकऱ्यांसाठी महत्त्वाची सूचना दोन दिवस विश्रांती घेतल्यानंतर राज्यात मान्सून पुन्हा एकदा रौद्र रूप धारण करणार आहे. हवामान विभागाने (IMD) मुंबई, ठाणे आणि पुण्यासहित राज्यातील २४ जिल्ह्यांमध्ये विजांच्या कडकडाटासह मुसळधार पावसाचा ‘यलो अलर्ट’ जारी केला आहे. शनिवार आणि रविवारी (२७ व २८ जून) कोकण आणि मध्य महाराष्ट्रात पावसाचा जोर सर्वाधिक असेल, असा अंदाज वर्तवून नागरिकांना सतर्क राहण्याचे आवाहन करण्यात आले आहे. सविस्तर वाचा
Source link
