भारताची सुवर्ण कर्ज बाजारपेठ गेल्या पाच वर्षांत 14.85% CAGR दराने वाढली आहे. भारतीय घरांमध्ये सुमारे 27,000 टन सोने उपलब्ध आहे, परंतु त्यापैकी केवळ 20% सोनेच अजूनपर्यंत गहाण ठेवले गेले आहे. अजूनही 65% सुवर्ण कर्ज बाजारपेठ असंघटित क्षेत्राच्या हातात आहे. प्रश्न असा निर्माण होतो की, एवढे सोने असूनही लोक बँक किंवा NBFC चा दरवाजा का ठोठावत नाहीत? उत्तर आकडेवारीत नाही, भावनांमध्ये आहे.

भारतात सोने केवळ दागिना नसते, ती पिढ्यांची कमाई आहे, आईचा वारसा आहे, कुटुंबाच्या सुरक्षिततेचे प्रतीक आहे. जेव्हा हेच सोने गरजेच्या वेळी गहाण ठेवण्याची वेळ येते, तेव्हा मनात एकच आवाज घुमतो की, लोक काय म्हणतील? हाच संकोच, हीच सामाजिक भीती दशकांपासून कोट्यवधी भारतीयांना त्यांच्या सोन्याचा योग्य फायदा घेण्यापासून रोखत आहे.

ही भिंत तोडण्याचा विडा मुथूट फायनान्स गोल्ड लोनने उचलला आणि रेडिओ हे माध्यम बनले. मुथूट फायनान्स अनेक वर्षांपासून भारताचा नंबर-१ सर्वात विश्वासार्ह आर्थिक सेवा ब्रँड आहे. तरीही, नंबर-१ राहणे पुरेसे नव्हते. मुथूट फायनान्सला असे वाटत होते की, गोल्ड लोन हे गरजेचा साथीदार न बनता, स्वप्ने पूर्ण करण्याचे साधन बनावे.

सुनहरी सोच – एक जाहिरात नाही, एक आंदोलन