बार्शी तालुक्यातील तांबेवाडी तांडा येथे वनविभागाने अवैध वृक्षतोडीविरोधात मोठी कारवाई करत सुमारे ३० ते ३५ टन अवैध लाकूडसाठा जप्त केला आहे. या प्रकरणी पुढील तपास सुरू असून संबंधितांवर वनकायद्यानुसार कारवाई करण्यात येणार आहे. वनविभागाच्या या धडक कारवाईमुळे परिसरात मोठी खळबळ उडाली असून अवैध वृक्षतोड करणाऱ्यांना कडक इशारा मिळाला आहे. वनविभागाला मिळालेल्या गोपनीय माहितीनुसार, तांबेवाडी तांडा परिसरातील १२ ते १३ शेतकऱ्यांनी त्यांच्या मालकीच्या शेतजमिनी व घरांच्या परिसरात लिंब, आंबा, चिंच आदी वृक्षांची विनापरवाना तोड करून मोठ्या प्रमाणात लाकूडसाठा करून ठेवला होता. या धडक मोहिमेत वनपाल डी. बी. शिदोडकर, ए. आर. पिरजादे तसेच वनरक्षक बालाजी धुमाळ, सचिन पुरी, करामत अली शेख, सुलतान शेख, पूजा खेणे, वनमजूर आशा बी. अन्सारी आणि वाहन चालक सिद्धेश्वर जाधव व शाबाज मुल्ला यांनी सहभाग घेतला. या पथकाने राबवली शोधमोहीम
Source link
