क्रीडा डेस्क10 तासांपूर्वी
- लिंक कॉपी करा
RCB ला आयपीएलच्या सध्याच्या हंगामात तिसऱ्या पराभवाला सामोरे जावे लागले. गुजरात टायटन्सने त्यांना त्यांच्या घरच्या मैदानावर, नरेंद्र मोदी स्टेडियममध्ये 4 गडी राखून हरवले.
गुजरातने 155 धावांचे लक्ष्य 15.5 षटकांत पूर्ण केले. नाणेफेक हरून प्रथम फलंदाजी करणाऱ्या बंगळुरूचा संघ 19.2 षटकांत 155 धावांवर सर्वबाद झाला होता.
कॅरेबियन अष्टपैलू खेळाडू जेसन होल्डरला सामनावीर म्हणून निवडण्यात आले. त्याने 29 धावा देऊन 2 बळी घेतले. तसेच 10 चेंडूंमध्ये 12 धावा केल्या. एवढेच नाही तर, त्याने 3 झेलही पकडले.
पॉइंट्स टेबलची सध्याची स्थिती…
सामन्यानंतर संघांच्या स्थानांमध्ये कोणताही बदल नाही
बंगळूरु-गुजरात सामन्याच्या निकालानंतर गुणतालिकेच्या स्थितीत कोणताही बदल झालेला नाही. पंजाब किंग्स 13 गुणांसह पहिल्या स्थानावर आहे. लखनऊ सुपर जायंट्स सर्वात खालच्या स्थानावर आहे.
- बंगळूरुने 9 सामने खेळले आहेत, यापैकी त्यांना तिसऱ्या पराभवाला सामोरे जावे लागले आहे, तर संघाच्या खात्यात 6 विजय आहेत. अशा प्रकारे बंगळूरु 12 गुणांसह दुसऱ्या स्थानावर आहे.
- गुजरातनेही बंगळूरुइतकेच 9 सामने खेळले आहेत. यापैकी संघाला 5 मध्ये विजय, तर 4 मध्ये पराभव पत्करावा लागला आहे. अशा प्रकारे गुजरातकडे 10 गुण आहेत आणि संघ 5व्या स्थानावर आहे.
आजच्या सामन्याबद्दल
प्लेऑफसाठी राजस्थानला 3 विजय हवे आहेत राजस्थानचा संघ गुणतालिकेत चौथ्या स्थानावर आहे. संघाकडे 6 विजयांसह 12 गुण आहेत, म्हणजेच त्याला प्लेऑफमध्ये पोहोचण्यासाठी 3 विजयांची गरज आहे. रॉयल्स संघाने आतापर्यंत 9 सामने खेळले आहेत, यापैकी 3 सामन्यांत पराभव आणि 6 मध्ये विजय मिळवला आहे. वेळापत्रकानुसार राजस्थानला 3 घरचे आणि 3 बाहेरचे सामने खेळायचे आहेत. त्यामुळे राजस्थानच्या प्लेऑफचा मार्ग सोपा आहे.
दिल्लीला आपले सर्व 6 सामने जिंकावे लागतील सध्याच्या हंगामात दिल्लीची मोहीम फारशी चांगली राहिलेली नाही. संघ 8 पैकी फक्त 3 सामने जिंकू शकला आहे. त्यामुळे कॅपिटल्सच्या खात्यात केवळ 6 गुण आहेत आणि संघ 7व्या स्थानावर आहे. प्लेऑफमध्ये प्रवेश करण्यासाठी दिल्लीला आपले सर्व 6 सामने जिंकावे लागतील. एक किंवा दोन सामने हरल्यास त्यांना इतर संघांच्या कामगिरीवर अवलंबून राहावे लागेल.
स्पर्धेतील अव्वल खेळाडू
टॉप स्कोररच्या यादीत कोणताही बदल नाही गुजरात-बंगळूर सामन्यानंतर ऑरेंज कॅप लीडरबोर्डमध्ये कोणताही बदल झालेला नाही. हैदराबादचा सलामीवीर अभिषेक शर्मा ४२५ धावांसह टॉप स्कोररच्या यादीत पहिल्या स्थानावर आहे. आज राजस्थानच्या वैभव सूर्यवंशीला त्याला मागे टाकण्याची संधी आहे.
भुवनेश्वर कुमार सर्वाधिक विकेट घेणारा ठरला
बंगळूरच्या भुवनेश्वर कुमारने सामन्यात ३ विकेट्स घेतल्या. त्याने साई सुदर्शन, शुभमन गिल आणि जोस बटलरला पॅव्हेलियनचा रस्ता दाखवला. या विकेट्सच्या जोरावर भुवनेश्वरच्या हंगामात १७ विकेट्स झाल्या आहेत. तो पर्पल कॅप लीडरबोर्डच्या यादीत पहिल्या स्थानावर आला आहे. त्याने हैदराबादच्या ईशान मलिंगाला मागे टाकले. आज राजस्थानचा जोफ्रा आर्चर ४ विकेट्स घेऊन भुवनेश्वरला मागे टाकू शकतो.
