शेवगाव तालुक्यात १९ मार्चच्या रात्री आलेल्या वादळी वाऱ्यासह अवकाळी पावसाने अक्षरशः थैमान घातले आहे. दहिगाव ने मध्ये शेतात उभे राहून बोलताना शेतकरी अरुण आसाराम मुंगसे यांच्या डोळ्यांत हतबलता स्पष्ट दिसत होती. वादळी वारा आणि अवकाळी पावसामुळे त्यांच्या शेतातील गहू आडवा झाला. गेल्या वर्षीही अतिवृष्टीमुळे सहा एकरातील केळीची बाग उद्ध्वस्त झाली होती. निसर्गाने एकदा नव्हे तीन वेळेस मुंगसे यांचा घात केला. त्यांच्याप्रमाणे शेवगाव तालुका आणि जिल्ह्यातील अनेक शेतकऱ्यांवर संकट ओढवले आहे. गतवर्षी उर्वरित पान ४ जिल्ह्यात झालेल्या अवकाळी पावसामुळे ११ हजार ६४९ हेक्टर क्षेत्रावरील पिकांचे नुकसान झाल्याचा प्राथमिक अंदाज आहे.यात सर्वाधिक गहू, कांदा, हरभरा, मका, भाजीपाला या पिकांचे सर्वाधिक नुकसान झाले आहे.या नुकसानीचे महसूल व कृषी विभागाने संयुक्त पंचनामे सुरु केले असून, मंगळवार पर्यंत या नुकसानीचे पंचनामे पूर्ण होणार आहेत. अंतिम नुकसानीचा अहवाल विभागीय आयुक्तालया मार्फत राज्य सरकारकडे पाठवला जाईल. दरम्यान १९ मार्चला झालेल्या अवकाळीमुळे सर्वाधिक २० हजार हजार ५५१ शेतकरी बाधित झाले आहेत. सरकार शेतकऱ्यांची चेष्टा करतेय मागील वर्षी दहिगाव ने परिसरात केळी बागेचे प्रचंड प्रमाणात नुकसान झाले होते. शेतकऱ्यांच्या बांधावर जाऊन आमदार व प्रशासकीय अधिकाऱ्यांनी स्वतः उभे राहून पंचनामे केले. परंतु आजपर्यंत शासकीय मदत मिळाली नाही. हे सरकार शेतकऱ्यांची चेष्टा करीत आहे असे दिसत आहे. प्रा. काकासाहेब घुले, सरपंच, रांजणी.
Source link
