अजिंठा वन परिक्षेत्रामध्ये बिबट्याचा धुमाकूळ सुरूच आहे. दीड महिन्यात बिबट्याने अजिंठा, अनाड, बोदवड, सराटी, हळदा, पिंपळदरी मुखपाठ आदी शिवारात धुमाकूळ घालत जवळपास १५ जनावरे फस्त केले आहेत. बिबट्याला पकडण्यासाठी वन विभागाने काही ठिकाणी कॅमेरे लावले असून स्वतः वनपरिक्षेत्र अधिकारी संतोष दोडके हे आपल्या टीमसह परिसरात रात्री गस्त घालत आहेत. अजिंठा वन विभागाच्या हद्दीत बिबट्या दीड महिन्यापासून धुमाकूळ घालत आहे. दीड महिन्यात बिबट्याने १५ किमी परिसरात तब्बल १५ जनावरांचा फडशा पाडला आहे. यामुळे शेतकरी संतप्त होत असून पिंजरे लावण्याची मागणी करीत आहेत. चार दिवसांपूर्वी अजिंठा-अंधारी धरणाजवळ बिबट्या अनेक शेतकऱ्यांना दिसला. नागझिरी परिसरातील अनाड शिवारातील गट ३९ मधील शेतकरी अजिज खाँ मजीद खाँ यांच्या शेतात बैलासह पटाचे बैल, गोऱ्हे बांधलेले होते. मंगळवारी पहाटेच्या सुमारास गोऱ्यावर बिबट्याने हल्ला केल्याने त्याचा मृत्यू झाला. घटनेत शेतकऱ्याचे अंदाजे ४५ ते ५० हजार रुपयांचे नुकसान झाले आहे. बिबट्याच्या भीतीमुळे नागरिकांत भीती आहे. बिबट्या ट्रॅक होताच पिंजरे लावू Q बिबट्याची नागरिकांमध्ये भीती असून तुम्ही काय करतात? -बिबट्याच्या प्रत्येक हालचालींवर लक्ष ठेवून आहोत. काही ठिकाणी कॅमेरे लावले आहेत, बिबट्या ट्रॅक होताच पिंजरे लावून जेरबंद केले जाईल. Q अजिंठा वनपरिक्षेत्रात किती बिबट्यांचा वावर असेल, सांगता येईल का? -अजिंठा वनपरिक्षेत्र जवळपास ९ हजार हेक्टरपर्यंत जंगल आहे. त्यामुळे बिबट्यांची एकंदरीत संख्या सांगता येणार नाही. Q एक बिबट्या रोज किती किमी फिरतो? -एक बिबट्या जवळपास २५ किलोमीटरमध्ये फिरत असतो. अनेक ठिकाणी बिबट्याच्या पायाचे ठसे सेम आढळले आहेत. – संतोष दोडके, वनपरिक्षेत्र अधिकारी बैल, दुभती जनावरांच्या संवर्धनाचे वर्ष ^युनोस्कोने २०२६ हे वर्ष गाय, गुरे, दुभती जनावरे संवर्धनाचे वर्ष जाहीर केलेले आहे. त्यांच्यासाठी काम करण्याचे हे वर्ष आहे. त्यांना पुढे आणण्याचे हे वर्ष आहे. त्यांच्या संवर्धनासाठी काम करण्याचे हे वर्ष आहे. मात्र, बिबट्यांकडून जनावरांवर होणारे हल्ले पाहता हे चिंताजनक आहे. -डॉ. संतोष पाटील, जैवविविधता अभ्यासक
Source link
