ऑपरेशन सिंदूरअंतर्गत पाकिस्तानसोबत झालेल्या ८८ तासांच्या युद्धाच्या विश्लेषणानंतर सैन्याने महत्त्वपूर्ण बदलांची रूपरेषा तयार केली आहे. सैन्याने त्याचे अल्पकालीन, मध्यमकालीन व दीर्घकालीन रणनीती अले तीन भागांत विभाजन केले.अल्पकालीन रणनीती अंतर्गत २०२६ चा स्पष्ट रोडमॅप तयार केला आहे. सैन्याच्या सूत्रानुसार यंदा पूर्ण शस्त्रे मिळवण्याऐवजी युद्धाच्या संपूर्ण वातावरणाची त्वरित माहिती, नेटवर्क आणि वेगवान निर्णयांवर केंद्रित असेल. हाच ऑपरेशन सिंदूरचा महत्त्वाचा धडा आहे.

सैन्याने वर्ष २०२६ हे ‘नेटवर्किंग आणि डेटा सेंट्रिसिटी’ आणि २०२७ मध्ये ऑपरेशन्सचे एआयसोबत पूर्ण इंटिग्रेशन म्हणून साजरे करण्याचा निर्णय घेतला आहे. या प्रक्रियेशी संबंधित उच्चपदस्थ अधिकाऱ्याने सांगितले की, हा निर्णय सैन्याच्या दीर्घकाळापासून सुरू असलेल्या परिवर्तन योजनेचे पुढचे पाऊल आहे. सैन्याने २०२३ ते २०३२ हे वर्ष परिवर्तनाचे दशक म्हणून घोषित केले आहे. याअंतर्गत २०२३ मध्ये सुधारणा, २०२४ ला ‘तंत्रज्ञान आत्मसात करणे’, २०२५ मध्ये बदलाचा आराखडा स्वीकारला.

वेगवान निर्णय : एआय, ऑटोमेशनमधून माहिती

एआय आणि ऑटोमेशनचा पुरेपूर वापर होईल. हे डेटा, नेटवर्क आणि लष्करी आकडेवारी या तीन स्तंभांवर उभे असेल. सायबर यंत्रणेच्या माध्यमातून माहिती कुठून येईल,ती कशी सुरक्षित ठेवायची हे ठरवले जाईल.

सामायिक प्लॅटफॉर्म : नेटवर्क सॉफ्टवेअर

सैन्य आपले डिजिटल नेटवर्क, डेटा सेंटर, सॉफ्टवेअर सिस्टिम सेंटर्सचा सामायिक प्लॅटफॉर्म तयार करेल. यामुळे रणांगणात तैनात सैनिकापासून ते वरिष्ठ कमांडरांपर्यंत सर्वांना अपडेट माहिती मिळेल.

बदल… आंतरराष्ट्रीय समुदाय, शत्रू, देशांतर्गत संवादासाठी वेगळी माध्यमे

स्ट्रॅटेजिक कम्युनिकेशनमध्येही बदल केले जात आहेत. आंतरराष्ट्रीय समुदाय, शत्रू आणि देशांतर्गत संवादासाठी वेगळा आशय, माध्यमे निश्चित केली जावीत अशी योजना आहे. नॅरेटिव्ह वॉरमध्ये शत्रूची खोटी यंत्रणा अपयशी ठरवली जावी. राजकीय नेतृत्व, तिन्ही दले यांच्यातील संवाद – मीडियासोबतच्या समन्वयाला सर्वोच्च प्राधान्य दिले जावे. ऑपरेशन सिंदूरदरम्यान योग्य वेळी अचूक माहिती किती महत्त्वाची आहे हे सैन्याच्या अभ्यासातून समोर आले.

ऑपरेशन सिंदूरनंतर सैन्याची वाढलेली ताकद