कॅनडाच्या व्हँकुव्हरहून दिल्लीला येणाऱ्या एअर इंडियाच्या विमानातील पायलटला विमानातून उतरवण्यात आले. पायलटवर दारू प्यायल्याचा आरोप होता. ही घटना २३ डिसेंबरची आहे, एअर इंडियाचे AI186 हे विमान टेक-ऑफ करणार होते. तेव्हा व्हँकुव्हर विमानतळावरील एका कर्मचाऱ्याने पायलटला वाईन पिताना पाहिले.

त्यानंतर कर्मचाऱ्याने अधिकाऱ्यांकडे तक्रार केली. कॅनेडियन अधिकारी पायलटची चौकशी करण्यासाठी पोहोचले तेव्हा त्याच्या तोंडा जवळून वास येत होता. त्यानंतर पायलटची ब्रेथ अ‍ॅनालायझर चाचणी घेण्यात आली. ज्यात तो नापास झाला.

एअरलाइनच्या प्रवक्त्याने सांगितले की, सुरक्षा प्रोटोकॉलनुसार, विमान चालवण्यासाठी दुसऱ्या पायलटला रोस्टरमध्ये समाविष्ट करण्यात आले. त्यानंतर तो विमान घेऊन दिल्लीला आला. विमानाला सुमारे २ तासांचा विलंब झाला.

पायलटविरोधात चौकशी सुरू, ड्युटीवरून हटवले