छत्तीसगडमधील प्रसिद्ध कवी, लघुकथाकार आणि कादंबरीकार विनोद कुमार शुक्ला यांचे मंगळवारी संध्याकाळी वयाच्या ८८ व्या वर्षी निधन झाले. महिन्याभरापूर्वीच त्यांना भारतातील सर्वोच्च साहित्यिक सन्मान ज्ञानपीठ पुरस्काराने सन्मानित करण्यात आले. ते गेल्या काही महिन्यांपासून आजारी होते आणि रायपूर एम्समध्ये उपचार घेत होते.

साहित्यकार विनोद कुमार शुक्ला यांना ज्ञानपीठचे महाव्यवस्थापक आर.एन. तिवारी यांनी देवी सरस्वतीची प्रतिमा आणि पुरस्काराचा धनादेश देऊन सन्मानित केले. ज्ञानपीठ पुरस्कार मिळवणारे ते छत्तीसगडमधील पहिले साहित्यिक आहेत.

या भेटीदरम्यान विनोद कुमार शुक्ला म्हणाले होते की, “जेव्हा हिंदीसह सर्व भाषांवर संकट आल्याची चर्चा असते तेव्हा मला पूर्ण आशा आहे की नवीन पिढी प्रत्येक भाषेचा आणि प्रत्येक विचारसरणीचा आदर करेल. एखाद्या भाषेचा किंवा चांगल्या कल्पनेचा नाश म्हणजे मानवतेचा नाश.”

पंतप्रधान नरेंद्र मोदी यांनीही विनोद कुमार शुक्ला यांची भेट घेतली आणि त्यांच्या प्रकृतीची विचारपूस केली. छत्तीसगडच्या २५ व्या स्थापना दिनी पंतप्रधान रायपूरमध्ये होते. या भेटीदरम्यान विनोद कुमार शुक्ला यांनी पंतप्रधानांना सांगितले, “लेखन माझ्यासाठी श्वास घेण्यासारखे आहे.” मला लवकरात लवकर घरी जायचे आहे – मला लिहित राहायचे आहे.’

बातमी अपडेट केली जात आहे…