गुन्हेगारीच्या बातम्या: कर्नाटकातील धर्मस्थळ मंदिरात 19 वर्षे स्वच्छता कामगाराने असे धक्कादायक खुलासे केले की त्यानंतर देश हादरला आहे. या मास्क घातलेल्या व्यक्तीने न्यायाधीशांसमोर 3 जुलै 2025 ला आपला जबाब नोंदवला, ज्यात त्याने असे भयानक खुलासे केले त्यानंतर एकच खळबळ माजली आहे. त्याने सांगितलं की, स्वत:च्या हातांनी शेकडो मृतदेह पुरल्याचा त्याने दावा केला आहे. तो पुढे म्हणाला की, या शेकडो मृतदेहात महिला आणि मुलींचा समावेश आहे. जबाब देताना तो म्हणाला की, प्रथम त्यांचा बलात्कार केला नंतर त्यांची हत्या करून त्यांना पुरण्यात आलं होतं. हा सफाई कर्मचारी नेमका आहे तरी कोण? (karnataka dharmasthala Human bones red blouse ATM card Masked man reveals the secret of hundreds of bodies Crime News in marathi)
मास्क मॅनने सांगितलं शेकडो मृतदेहांचं ‘ते’ रहस्य
स्वच्छता कर्मचाऱ्याने जबाबमध्ये असं सांगितलं की, तो 1995 ते 2014 पर्यंत धर्मस्थळ मंदिर प्रशासनासाठी काम करत असताना 1998 ते 2014 दरम्यान त्याला शेकडो मृतदेह पुरण्यास किंवा ते जाळून टाकण्यात सांगण्यात आले होते. या मोठा खुलासा झाल्यानंतर स्वच्छता कर्मचाऱ्याच्या सांगण्यावरून मृतदेह पुरल्याच्या ठिकाणी तपासणी केल्यानंतर पोलिसांच्या पायाखालची जमीन सरकली. त्या ठिकाणांवरून अशा काही गोष्टी सापडल्या, ज्यामुळे पोलिसांनाही धक्का बसला आहे.
पहिल्या दिवशीच्या खोदकामात काय मिळालं?
स्वच्छता कर्मचाऱ्याचा दावानंतर 29 जुलै 2025 (मंगळवार) रोजी नेत्रावती नदीच्या किनाऱ्यावरील साइट नंबर 1 वर खोदकाम पोलिसांनी केलं. सफाई कामगारे 13 ठिकाणांची माहिती एसआयटीला दिली आहे. ज्याठिकाणी शेकडो मृतदेह पुरण्याचा दावा त्याने केला आहे.पहिल्या दिवशी साइट नंबर 1 वर जवळपास 6 तास खोदकाम झाल्यानंतर 15 फूट खोल खड्डा खणतात आला. पण धक्कादायक म्हणजे इथे पोलिसांना मृतदेह, सांगाडा किंवा मानवी हाडं सापडले नाहीत.
त्यानंतर 30 जुलै 2025 (बुधवार) रोजी एसआयटीने साइट नंबर 2, 3, 4 आणि 5 या चार नवीन ठिकाणी खोदकाम केलं. सकाळपासून संध्याकाळपर्यंत 12 ते 15 फूट खोल खड्डे खोदल्यानंतरही काही हाती लागलं नाही. तर साइट क्रमांक 3, 4 आणि 5 वर सुद्धा पोलिसांच्या हाती अपयश आलं. पण साइट नंबर 2 वर सापडलेल्या गोष्टींमुळे तपासाला वेगळंच वळण लागलं.
अडीच फूट खोल खड्डा खणल्यानंतर त्यात फाटलेलं लाल ब्लाउज, पॅन कार्ड आणि एटीएम कार्ड दिसून आलं. त्यातील एक कार्ड पुरूषाच्या नावावर होतं तर दुसरं लक्ष्मी नावाच्या एका महिलेच्या नावावर असल्याचं पोलिसांना आढळून आलं. धर्मस्थळाच्या जवळच राहणाऱ्या एका महिलेचा 2009 मध्ये मृत्यू झाल्याचं पोलिसांच्या तपासात समोर आलं. मात्र, पोलीस रेकॉर्डमध्ये तिच्या मृत्यूची कुठेच नोंद नसल्यामुळे पोलिसांच्या अडचणीत वाढ झाली आहे.
31 जुलै 2025 (गुरुवार) रोजी एसटीआयने साइट नंबर 6 वर खोदकाम करत असताना अचानक काही हाडं आढळून आले. कामगाऱ्याचा दावानंतरचं पोलिसांचं हे दुसरं यश होतं.
कुठे सापडली सर्वात जास्त मृतदेह?
साइट नंबर 1 ते 13 च्या ठिकाणी वेगवेगळ्या संख्येने मृतदेह पुरले असल्याचं स्वच्छता कर्मचाऱ्याने दावा केला होता. तसंच 6 आणि 7 साइट नंबरच्या ठिकाणी 8 मृतदेह तर 11 साइट नंबरच्या ठिकाणी 9 मृतदेह पुरण्यात आल्याचे पुरावे पोलिसांना मिळाले आहेत. तसंच साइट नंबर 13 च्या ठिकाणी जास्तीत जास्त मृतदेह पुरण्यात आल्याचा दावा कामगाराने केला होता. पण अद्याप खोदकाम सुरू करण्यात आलं नाही.
मास्क घातलेला माणूस कोण?
मास्क घातलेला या व्यक्तीची ओळख पोलिसांनी गुप्त ठेवली आहे. त्याने कर्नाटक, देश आणि जगातील प्रसिद्ध धर्मस्थळ मंदिरात 19 वर्षे सफाई कामगार म्हणून काम केले. या 19 वर्षांत त्याने जे जे पाहिले त्याचा सत्य त्याने सांगितल्यावर देशभरात एकच खळबळ माजली आहे.
