समा परवीन गुजरात एटीएसने अल कायदाशी संबंधित असलेल्या महिलेला अटक केली: गुजरात ATSनं अल-कायदाचं टेरर मॉड्युल उघड केले आहे. या प्रकरणी गुजरात ATSनं बंगळुरुतून एका महिलेला अटक केली आहे. शमा परवीन असं या महिलेचं नाव आहे. ती अल कादाच्या टेरर मॉड्युलची मास्टरमाईंड आहे. एटीएसने काही दिवसांपूर्वी नोएडा, दिल्ली, उत्तर प्रदेश आणि गुजरात येथून तीन दहशतवाद्यांना अटक केली होती. याच संदर्भात शमा परवीनला अटक करण्यात आली आहे. शमा परवीनची अटक हे मोठे यश असल्याचे एटीएसचे म्हणणे आहे.
23 जुलै रोजी एटीएसने देशाच्या वेगवेगळ्या भागातून अल-कायदाशी संबंधित चार दहशतवाद्यांना अटक केली. यानंतर, एटीएसने त्यांची चौकशी केली तेव्हा शमा परवीनचे नाव समोर आले. सात दिवसांनंतर, एटीएसने आता कर्नाटकची राजधानी बेंगळुरू येथून शमा परवीनला अटक केली आहे. गुजरातचे गृहराज्यमंत्री हर्ष संघवी यांच्या मते, अटक केलेली महिला पूर्णपणे कट्टरपंथी आहे. ती थेट पाकिस्तानशी संपर्कात होती.
अल-कायदा मॉड्यूलमधील महिला दहशतवादी!
30 वर्षीय महिला अल-कायदाशी संबंधित असल्याने आणि तिचा पाकिस्तानशी संपर्क असल्याने ही अतिशय गंभीर बाब मानली जात आहे. एटीएस अधिकारी हर्ष उपाध्याय यांना अल-कायदाच्या भारतीय मॉड्यूलची पहिली कल्पना आली होती. यानंतर, एसपी के सिद्धार्थ यांच्या नेतृत्वाखाली एक पथक तयार करण्यात आले. एटीएसच्या चार पथकांना दिल्ली, नोएडा, मोडासा आणि अहमदाबाद येथे पाठवण्यात आले. तेथून 21 आणि 2 जुलै रोजी चारही आरोपींना अटक करण्यात आली. एटीएसने चारही दहशतवाद्यांना अटक केली तेव्हा असे म्हटले गेले की गुजरात एटीएसने वेळीच एका मोठ्या दहशतवादी कटाचा पर्दाफाश केला. अटक केलेले दहशतवादी इंस्टाग्रामसारख्या सोशल मीडिया प्लॅटफॉर्मद्वारे ‘गजवा-ए-हिंद’च्या विचारसरणीच्या नावाखाली भारतात हिंसाचार पसरवण्याचा कट रचत होते.
अल-कायदा मॉड्यूलशी संबंधित पाच दहशतवाद्यांना अटक केल्यानंतर, गुजरात एटीएसने वेळीच एक मोठा दहशतवादी प्रयत्न उधळून लावल्याचे मानले जात आहे. सूत्रांच्या माहितीनुसार, अल-कायदाचा काय प्लॅन होता याबाबत येत्या काळात मोठे खुलासे होऊ शकतात? सर्व आरोपींची चौकशी केल्यानंतर, गुजरातने आणखी २५ संशयास्पद इंस्टाग्राम अकाउंट्सची चौकशी सुरू केली आहे. एकूण 62 अकाउंट्सशी संबंधित डेटा देखील शोधला जात आहे. एटीएसने या सर्वांविरुद्ध यूएपीए आणि आयपीसीच्या कलमांखाली गुन्हा दाखल केला आहे.
शमा परवीन कोण आहे?
एटीएसने पकडलेली शमा परवीन ही 30 वर्षांची आहे. ती बंगळुरूमध्ये राहत होती. एटीएसच्या म्हणण्यानुसार, ती सतत पाकिस्तानच्या संपर्कात होती. महिला दहशतवादी सोशल मीडियावर दिशाभूल करणारा प्रचार करत होती. परवीन अल-कायदा भारतीय उपखंडाची सदस्य होती. शमा परवीन ऑनलाइन दहशतवादी मॉड्यूलवर काम करत होती. परवीनच्या गॅझेट्समधून तिच्या पाकिस्तानशी संपर्काचे ठोस पुरावे सापडले आहेत. एटीएसच्या तपासात आणखी खुलासे अपेक्षित आहेत. आतापर्यंत पकडलेल्या पाच दहशतवाद्यांमध्ये शमा परवीनला मास्टरमाइंड मानले जात आहे.
