पोस्ट ऑफिस आरडी योजना: भविष्यासाठी जर तुम्ही फायदेशीर व सुरक्षित गुंतवणूक करण्याच्या विचारात आहात. तर मग पोस्ट ऑफिसची ही योजना तुमच्यासाठी फारच फायदेशीर आहे. पोस्ट ऑफिसची रिकरिंग डिपॉझिट (RD) ही योजना तुमच्यासाठी उत्तम पर्याय ठरू शकतो. ही योजना त्या गुंतवणुकदारांसाठी आहे जे महिन्याला थोडी-थोडी सेव्हिंग करून मोठा फंड तयार करण्याच्या प्रयत्नात आहेत. पोस्ट ऑफिसची ही योजना 100 टक्के गॅरटीड परतावा तर देतेच. तसंच, तुमचा पैसादेखील सुरक्षित राहते. या योजनेत कोणतीही रिस्क तर नाहीच पण तुम्हाला व्याजदरावर सुनिश्चित परतावा मात्र मिळेल. काय आहे ही योजना जाणून घ्या.
पोस्ट ऑफिसच्या रिकरिंग डिपॉजिट स्कीममध्ये गुंतवणुक करून भविष्यासाठी मोठी रक्कम जमा करू शकता. ही रक्कम जमा झाल्यानंतर भारत सरकार सॉवरेन गॅरंटीदेखील मिळते. म्हणजेच तुमची रक्कम सुरक्षित पाहते. बँकांमध्ये फक्त 5 लाखांपर्यंतची रक्कमेवरच गँरटी मिळते. मात्र या योजनेत मॅच्युरिटीचा कालावधी 5 वर्ष असून तुम्ही 5-5 वर्षासाठी वाढवूदेखील शकतात.
आवर्ती डिपॉझिची सूरुवाट
पोस्ट ऑफिसच्या रिकरिंग डिपॉजिट योजनेत गुंतवणूकीची सुरुवात तुम्ही फक्त प्रति महिना 100 रुपयांपासून सुरू करु शकतात. यात तुम्ही तुमच्या क्षमतेनुसार गुंतवणुकीची रक्कम वाढवू शकता. पोस्ट ऑफिस RD वर सध्या 6.8 टक्के वर्षाला व्याज मिळते. जे चक्रवाढ व्याजच्या आधारे आहे. या योजनेत गुंतवणुकदारांना सिंगल अकाउंट किंवा जॉइंट अकाउंट हे दोन्ही पर्याय मिळतात.
पोस्ट ऑफिसच्या RD योजनेत प्रत्येक महिन्याला कमीत कमी 5 हजार जमा केल्यास 5 वर्षात तुमच्याकडे एकूण 3 लाखापर्यंतची गुंतवणूक जमा होईल. या गुंतवणुकीवर 6.7 टक्के वार्षिक व्याज या हिशोबाने 56,830 रुपये इतके व्याज मिळेल. म्हणून एकूण 3,56,830 इतकी रक्कम तुम्हाला मिळू शकते. तसंच, जर ही योजना तुम्ही आणखी 5 वर्ष वाढवता तर एकूण गुंतवणुकीवर तुम्हाला 6 लाख आणि व्याजाची ₹2,54,272 इतकी रक्कम मिळले. तर 10 वर्षात तुम्हाला 8,54,272 इतका फंड जमा होणार आहे.
पोस्ट ऑफिसच्या RD स्कीममध्ये जर तुम्ही वेळेत हफ्ता जमा केला नाही तर तुम्हाला पेनल्टी लागू शकते. ही पेनल्टी जवळपास 100 इतकी असू शकते. तुम्ही जर सातत्याने 4 हफ्ते भरले नाही तर तुमचे खाते बंद होऊ शकते. या योजनेला एक वर्ष पू्र्ण होण्यासाठी तुमच्या जमा झालेल्या रकमेवर 50 टक्केपर्यंत लोन मिळू शकते. हे कर्ज एकदाच घेता येते आणि व्याजासह एकहाती पूर्णदेखील करता येते.
(Disclaimer: येथे दिलेली माहिती सामान्य माहितीवर आधारित आहे. तुम्ही अशाप्रकारे कोणत्याही पद्धतीची गुंतवणूक करु इच्छित असाल तर सर्वात आधी सर्टिफाइड गुंतवणुकदार सल्लागारांचा सल्ला घ्यावा. तुम्हाला कोणताही नफा किंवा तोटा झाल्यास झी 24 तास यासाठी जबाबदार राहणार नाही.)
