कोण चोराह सिंह आहे : 12 जून 2025 ला अहमदाबादहून लंडनच्या गॅटविकला जाणारे बोईंग 787-8 ड्रीमलाइनर विमान टेकऑप केलं आणि काही मिनिटांत होत्याचं नव्हतं झालं. ते विमान जवळच एका डॉक्टरच्या वसतिगृहावर कोसळलं. ज्यात एकूण 265 जणांचा मृत्यू झाला. यात गुजरातचे माजी मुख्यमंत्री विजय रुपाणी यांचाही मृत्यू झाला. या दुर्घटनेनंतर नऊ दिवसांनी, नागरी विमान वाहतूक महासंचालनालयाने (DGCA) कठोर भूमिका घेतली. या दुर्घटनेसाठी एअर इंडियाच्या तीन वरिष्ठ अधिकाऱ्यांना निष्काळजीपणाचा दोषी ठरवण्यात आले आहे. या तिघांना बडतर्फ करण्याचे आदेश देण्यात आले आहेत. त्यांना क्रू शेड्यूलिंग आणि रोस्टरिंगशी संबंधित जबाबदाऱ्यांपासून दूर करण्याचे आदेश देण्यात आले. या तिघांमध्ये पायल अरोरा (क्रू शेड्युलिंग-प्लॅनिंग), पिंकी मित्तल (चीफ मॅनेजर, क्रू शेड्युलिंग) त्यापैकी सर्वात मोठे नाव म्हणजे चुरा सिंग, जे एअर इंडियाचे विभागीय उपाध्यक्ष आहेत.
डीजीसीएने कोणती कठोर कारवाई केली?
20 जून 2025 ला डीजीसीएने म्हटलं की, एअर इंडियाने क्रू शेड्यूलिंगमध्ये वारंवार गंभीर उल्लंघन करण्यात आलं. जसे की अनधिकृत क्रू पेअरिंग, परवाना नियमांकडे दुर्लक्ष करणे आणि क्रू विश्रांती आणि नवीनतेचे आवश्यकतांचे पालन न करणे. या त्रुटींसाठी, डीजीसीएने तीन अधिकारी – चुरा सिंग , पिंकी मित्तल (चीफ मॅनेजर, क्रू शेड्यूलिंग) आणि पायल अरोरा (क्रू शेड्यूलिंग-प्लॅनिंग) यांना जबाबदार धरलंय. डीजीसीएने एअर इंडियाला या अधिकाऱ्यांविरुद्ध तात्काळ शिस्तभंगाची कारवाई केली असून 10 दिवसांच्या आत अहवाल सादर करण्याचे निर्देश दिले आहेत. तसंच, या तिघांना रोस्टरिंगशी संबंधित सर्व जबाबदाऱ्यांमधून काढून टाकण्यास आणि नॉन-ऑपरेशनल भूमिकांवर पाठवण्यास सांगण्यात आले आहे.
कोण आहे चुरा सिंग?
चुरा सिंग हे एअर इंडियाचे विभागीय उपाध्यक्ष (इंटिग्रेटेड ऑपरेशन्स कंट्रोल सेंटर) आहेत. त्यांनी जानेवारी 2024 पासून या पदावर काम करण्यास सुरुवात केली आणि ते भारतातील गुरुग्राम इथे काम करत आहेत. चुरा सिंग यांना विमान वाहतूक क्षेत्रात दोन दशकांहून अधिक काळाचा अनुभव आहे.
चुरा सिंग किती अनुभवी?
एअर इंडिया लिमिटेड (जानेवारी 2024 पासून) : विभागीय उपाध्यक्ष, एकात्मिक ऑपरेशन्स कंट्रोल सेंटर, गुरुग्राम.
एमराल्ड एअरलाइन्स (2021-2024) : डब्लिनमध्ये 3 वर्षे ऑपरेशन्स संचालक म्हणून काम केलं
लॉडा मोशन जीएमबीएच (2019-2021) : ऑस्ट्रियातील व्हिएन्ना येथे मुख्य कार्यकारी अधिकारी आणि व्यवस्थापकीय संचालक.
रायनएअर (2001-2021): युरोपातील आघाडीच्या एअरलाइनमध्ये 20 वर्षे विविध भूमिकांमध्ये काम केलं, ज्यात उपसंचालक ऑपरेशन्स कंट्रोल (2009-2021), नेव्हिगेशन सर्व्हिसेस टेक्निकल मॅनेजर (2007-0229), फ्लाइट ऑपरेशन्स आयटी सुपरयुजर (2004-2007) आणि शेड्युलिंग अॅनालिस्ट (2001-2004) यांचा समावेश आहे.
इतर भूमिका : चुरा सिंग यांनी युरोकंट्रोल, युरोपियन कमिशन आणि SESAR जॉइंट अंडरटेकिंग सारख्या संस्थांमध्ये महत्त्वाची पदे भूषवली आहेत. ज्यामध्ये एअरस्पेस आधुनिकीकरण आणि नेटवर्क व्यवस्थापन समाविष्ट आहे. ते डब्लिन बिझनेस स्कूलच्या एव्हिएशन अॅडव्हायझरी बोर्डाचे सदस्य देखील होते.
चुरा सिंग यांना विमान वाहतूक उद्योगातील वेळापत्रक, ऑपरेशन्स कंट्रोल आणि एअरस्पेस व्यवस्थापन यासारख्या जटिल क्षेत्रांमध्ये सखोल कौशल्य होते.
चुरा सिंग किती शिक्षित आहे?
चुरा सिंगची शैक्षणिक पार्श्वभूमी देखील प्रभावी आहे. जी त्यांची व्यावसायिक कारकीर्द आणखी मजबूत करते.
डब्लिन सिटी युनिव्हर्सिटी :
- व्यवस्थापन, विमानचालन नेतृत्व या विषयात मास्टर ऑफ सायन्स (एमएससी).
- शाश्वत विमानचालन आणि हरित नवोपक्रम या विषयात मायक्रो-क्रेडेन्शियल.
डब्लिन बिझनेस स्कूल : प्रोजेक्ट मॅनेजमेंट प्रोफेशनल (पीएमपी) सर्टिफिकेशन.
बकिंगहॅमशायर न्यू युनिव्हर्सिटी : संगणक शास्त्रात पदवी.
जॉन हॅम्पडेन व्याकरण शाळा : शालेय शिक्षण.
त्याच्या शिक्षण आणि अनुभवाच्या संयोजनामुळे ते विमान वाहतूक उद्योगात एक कुशल नेता बनले. पण अहमदाबाद दुर्घटनेनंतर, डीजीसीएने वेळापत्रक प्रक्रियेतील त्याच्या निष्काळजीपणाची गंभीर दखल घेण्यात आली आहे.
त्याच्यावरच दोष काय?
डीजीसीएच्या मते, चुरा सिंग आणि त्यांच्या सहकाऱ्यांनी क्रू शेड्यूलिंगमध्ये अनेक गंभीर चुका केल्या, त्या कुठल्या पाहूयात.
अनधिकृत क्रू पेअरिंग : नियमांविरुद्ध क्रू पेअरिंग करणे.
परवाना आणि विश्रांती नियमांचे उल्लंघन : क्रूला पुरेशी विश्रांती न देणे आणि परवाना नियमांकडे दुर्लक्ष करणे.
पद्धतशीर अपयश : वेळापत्रक प्रोटोकॉल आणि देखरेखीमध्ये वारंवार त्रुटी.
डीजीसीएने या निष्काळजीपणाला ‘सिस्टमिक फेल्युअर’ म्हटलं आहे. ज्यामुळे चुरा सिंगसह तीन अधिकाऱ्यांवर कारवाई करण्यात आली. भविष्यात अशा चुका पुन्हा झाल्यास एअर इंडियाचा परवाना रद्द केला जाऊ शकतो, असा इशाराही डीजीसीएने दिला आहे.
एअर इंडियाची भूमिका काय आहे?
एअर इंडियाने म्हटलंय की, ते डीजीसीएच्या सूचनांचे पालन करत आहे. एअरलाइनने आपल्या निवेदनात भर दिला आहे की ते सुरक्षा प्रोटोकॉल आणि मानक पद्धतींचे पूर्णपणे पालन करण्यास वचनबद्ध आहे. भविष्यात अशा घटना घडू नयेत म्हणून कंपनीचे मुख्य कार्यकारी अधिकारी आता आयओसीसीचे निरीक्षण करतील असंही म्हटलंय.
